Sniegs VAI lietus, rudens VAI ziema? Jaunākā laika ziņu prognoze Ziemassvētku brīvdienām!

Sinoptiķi sola, ka Latgales pusē, tāpat kā citviet Latvijā, temperatūra būs "plusos". Vietām gaidāmi nokrišņi slapja sniega vai lietus veidā.

Loba dīna, latgalīši i vysi puorejī! Vysi gaida Zīmyssvākus, i daudzi vaicoj – vai tok mums ir cereibys iz boltim Zīmyssvātkim, koč iz drupeiti snīga? Ka vēļ viņnedeļ cereiguokī sinoptiki saceja, ka, īsagrīžūt viejam no pareizuos pusis, tys varātu atnest i snīgu, i soltu laiku da minus 20 grādu, tod niu jau ir pavysam skaidrys – Zīmyssvātki byus palākuos kruosuos i rudineigi sylti. Svātku dīnuos Latgolā gaidoms puorsvorā leits, vītom varātu krist slapnais snīgs, bet gaisa temperatura vys vēļ byus plusūs i naktī, i dīnā vysys svātku dīnys. Zīmyssvātku dīnā Daugovpiļs pusē byus ap nulle grādim, Rēzeknis pusē – ap plus vīnu grādu, bet Bolvūs i Alūksnē – ap plus div grādim. Lai palākais laiks namozynoj svātku nūskaņu, partū ka golvonais jau ir pavadeit laiku ar sovim tyvajim, satikt saimi i draugus. Lai gaišs jums itys laiks, nasaverūt iz tū, kas radzams aiz lūga.